【Carline Ki 與友好共聚】中庭 The Atrium 灣仔會展低調奢華的粵菜盛宴

【Carline Ki 與友好共聚】中庭 The Atrium 灣仔會展低調奢華的粵菜盛宴

By
In 情報, 新餐廳介紹
  0
Share via Whatsapp

上星期去伊利沙伯體育館睇演唱會之前，與 sister Leonie 「先食飽再出發」，於是搵咗一間坐得舒服、而且食物又好味嘅餐廳晚飯，所以就選咗灣仔會展一樓中庭。
中庭 The Atrium
餐廳裝潢亦好有氣氛，牆面以荷花池為靈感作點綴，感覺就好似置身荷亭之中，整體氛圍靜謐舒服。餐廳由廚藝經驗嘅助理行政總廚伍寶明師傅坐鎮，佢曾任職多間酒店同中餐館，強項係將傳統同創新之間取得平衡。
我們坐下來就揀咗兩份晚市招牌套餐。

(點擊圖片放大)

前菜「 X.O.醬海蜇配梅子車厘茄」XO酱的微辣與海蜇的爽脆口感相得益彰，而樱桃番茄的清爽味道，使這道菜非常美味可口。
「竹笙海皇羹」係一款經典粵式高檔湯羹。鮮甜海鮮（蝦、帶子、蟹肉、瑤柱）配上清脆竹笙，再用高湯加蛋白勾芡，口感豐富而且鮮美清爽。
「脆皮頂鴿」肉質飽滿，油炸到表皮酥脆，特色就係皮脆肉嫩，非常惹味。
「三蔥爆炒龍躉球」龍躉魚肉脆嫩鮮甜，加上京蔥、洋蔥、青蔥三種蔥香層次分明，鑊氣十足。
「琥珀鳳梨咕嚕肉」保留咗傳統純正味道，同時做咗小小改良。由選材、烹煮到裝盤都加強咗細節，結果係由里到外都更提升，食起來酸甜香脆又順口。
「魚湯杞子浸時菜」係用煎香鮮魚熬出奶白魚湯，鮮甜又營養豐富，蔬菜吸滿精華，再加上杞子淡淡甘甜。
「薑蔥叉燒撈麵」薑蔥蓉鹹香惹味，叉燒甘甜軟嫩，再配爽滑彈牙嘅麵， 十分惹味。
「楊枝甘露」有芒果、柚同西米露。酸甜交織、層次豐富。

謝謝 Leonie 豐富晚餐， 最值得開心的是每道菜都好有驚喜。

中庭 The Atrium
地址：香港灣仔港灣道一號香港會議展覽中心一樓
電話：2582 7332
WhatsApp

cARLINE
Carline Ki 紀鳳裳憑著30多年的廣告，公關，推廣經驗，在公關界已是享負盛名。並且於1999年度被評選為《國際專業名錄指南》榮譽會員，目前推廣飲食及現為 美食博主。
FB：Dining out and home cooking
iG：carlinefski

(以上資料祗屬轉載，客人如於使用上述優惠時與商户起爭議，i Food Court Limited既不負責。)
2026年6月24日

#中庭 The Atrium #灣仔中菜 #伍寶明師傅 #香港會議展覽中心餐廳 #Carline Ki