【Carline Ki 的一席風味】賀賀澤 | 以新鮮食材製作的正宗潮州菜

【Carline Ki 的一席風味】賀賀澤 | 以新鮮食材製作的正宗潮州菜

By
In 情報, 新餐廳介紹
  0
Share via Whatsapp

賀賀澤
「賀賀澤」三個字一聽就好好記，潮州話入面意思仲係「好好食」！ 呢間主打正宗潮州菜，位置喺尖沙咀山林道38號銀座9樓。

(點擊圖片放大)

左： 賀賀澤餐廳老闆Bosco Chong、 Carline Ki 及 Wendy Sugar 。

同餐廳老闆Bosco Chong閒談先知，原來佢入廚都有20多年。 而家除咗忙住餐廳營運之外，佢仲會做海鮮同生果批發，所以食材來源把關得好足，難怪餐廳開咗約一年多，就已經攞到《香港澳門米之蓮指南2026》必比登推介餐廳！佢哋成個理念就係：平、靚、正。 堅持揀最新鮮食材，再用心用功去烹調，食起上嚟就係嗰個最地道嘅潮州味。
圖、文：Carline Ki

招牌菜包括： 鹵水拼盆、初湯浸花甲、潮式凍馬友魚、潮式糖醋麵及 手剁蒸肉餅（加梅菜）等等，真係一講就想食！

(點擊圖片放大)

「金沙魚皮，酥脆又香口，鹹香味濃，真係有種「停唔到口」嘅魔力！
「初湯浸花甲」花甲好大粒，肉厚得嚟又唔老。用上湯浸住，再配上秘製調味汁，鮮味直接爆出嚟。
「鹵水拼盤」潮州打冷最正嘅部分，就係呢個滷水拼盤！入面有鵝片、鵝腸、鵝肝、滷水墨魚 同豆腐。鵝片肉質鮮美，滷水色澤鮮明； – 鵝肝 鮮嫩滑溜，幾乎入口即化 ； -鵝腸 爽脆又夠入味 ； -墨魚口感彈牙，鮮脆得恰到好處 ； -豆腐 質感軟滑，最容易一啖接一啖，整體真心好出色。
「潮式凍馬友魚」呢道係傳統潮州「魚飯」概念演繹。用油份高、魚味濃嘅馬友魚，滷水蒸熟之後再放涼冷藏，所以食落嫩滑、鮮甜，又細緻又開胃。
「豆腐拼花枝卷」蟹棗拼花枝卷炸到外脆內滑，完全唔油膩。 普寧豆腐外層酥香、內部鬆軟，風味好突出。
「鹹菜胡椒鮮豬肚湯（位）」鮮豬肚好足料，湯底有石橄欖燉豬𦟌、海底椰燉竹絲雞，飲落滋味無窮。
「川貝海底椰燉烏雞（位）」經典滋補湯水，清肺潤肺、滋陰養顏嗰種感覺一飲就知。口感順喉，唔會過分厚膩。
「潮式糖醋麵」糖醋麵兩面煎到金黃香脆，外脆內部又保留咗軟糯口感。 食時可以自行撒白糖，再配鎮江香醋，酸甜開胃，真係越食越開胃。

整體嚟講，「賀賀澤」用正宗潮州風味加上新鮮食材去製作，調味方面亦明顯落足心思，所以食起上嚟唔單止好味，仲感覺到食得健康。

「賀賀澤」Ho Ho Chak Chiu Chow Restaurant
九龍尖沙咀山林道38號銀座9樓
訂座電話： 9072 2887

cARLINE
Carline Ki 紀鳳裳憑著30多年的廣告，公關，推廣經驗，在公關界已是享負盛名。並且於1999年度被評選為《國際專業名錄指南》榮譽會員，目前推廣飲食及現為 美食博主。
FB：Dining out and home cooking
iG：carlinefski

(以上資料祗屬轉載，客人如於使用上述優惠時與商户起爭議，i Food Court Limited既不負責。)
2026年5月17日

#賀賀澤 #賀賀澤米芝蓮 #賀賀澤老闆 #尖沙咀潮州菜 #carline ki