【Carline Ki 與友好共聚】讓我再一次品嚐HIKA輝《五款精選清酒》輕食配
Share via Whatsapp(點擊圖片放大)
好開心下星期一又有假期！而我有幾位朋友早早就約定好，想去香港銅鑼灣渣甸街 66 號亨環 3 樓「HIKA輝」日本料理，度過一個熱鬧又自在的歡樂時光：小酌幾杯，同時品嚐《五款精選清酒》配上時令菜色。
圖、文：Carline Ki
入到去仲好巧遇到經理 Bobby So！佢即刻幫大家講解清酒點樣配食物，超貼地，食到明白點解「對味」咁好食。枱上放咗五款精選清酒，由左至右依次係：
出羽櫻 櫻花吟釀／出羽櫻雪女神純米大吟釀／神藏瑠璃純米/瀨戶月が綺麗ですね／八海山 特別本釀造。
瀨戶 月が綺麗ですね》個名好浪漫，直譯「今晚的月色很美」。聞到洋梨同青蘋果香，清爽微微辛，唔會膩——而且真係幾襯原條魷魚生薑燒！薑香係有，但唔辣；魷魚又夠彈牙，食一啖配一啖，爽到停唔到口。
《出羽櫻 櫻花吟釀》酸甜平衡，再加鮮花同蜜瓜果香，回甘清爽俐落。 講真，飲到會忍不住再追多杯
配菜：赤蝦水牛芝士水果蕃茄：水牛芝士唔會搶戲，反而襯到赤蝦甜；蕃茄加櫻花蝦，口感層次感好明顯，又香又好食。
《出羽櫻 雪女神純米大吟釀》花香＋蜜瓜果香，入口甘甜好易飲，啱哂鍾意香甜路線嘅人。
配菜：玉子西京漬配軟殼蟹沙律，軟殼蟹酥脆鮮美，再配玉子西京漬嘅甜香，醒胃又過癮。
《神藏 瑠璃純米》微碳酸口感，酸度適中，整體飽滿但又好通透。 冷飲順口，微溫又會再出米香。
配菜：油甘魚他他，油甘魚油脂豐富，炙燒之後香到不得了；再配薯絲同柚子青檸魚子醬，豐盈但唔覺膩。
《八海山 特別本釀造》五款入面最辛口，酒味比較濃郁。冷飲清爽，微溫更有米香層次。
配菜：鰹魚腸芝士醬配梳打餅，呢味好「下酒」！鰹魚內臟本身就有「酒盜」之稱——食到真係會想配酒。鹹香濃郁，梳打餅一夾就好正。
最後想講：整晚食物質素好高，而且氣氛超 Chill 居酒屋風 ， 如果你都鍾意日本料理 + 清酒配搭，真係可以去試下！
任選一款小食 + 任選一款清酒 = $288
「輝HIKA」
香港銅鑼灣渣甸街66號亨環3樓
訂座電話：852-3621 0113
營業時間： 11:30am-3pm ; 6pm-12mn
Carline Ki 紀鳳裳憑著30多年的廣告，公關，推廣經驗，在公關界已是享負盛名。並且於1999年度被評選為《國際專業名錄指南》榮譽會員，目前推廣飲食及現為 美食博主。
FB：Dining out and home cooking
iG：carlinefski
(以上資料祗屬轉載，客人如於使用上述優惠時與商户起爭議，i Food Court Limited既不負責。)
2026年5月29日